Ash Mint Vest |
||||||||||||||||
|
|
|||||||||||||||
Prjónað vesti úr DROPS Sky og DROPS Kid-Silk. Stykkið er prjónað með V-hálsmáli, klauf í hliðum, áferðamynstri og tilfærslu á lykkjum. Stærð XS - XXL.
DROPS 227-32 |
||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.5. Mynsturteikning sýnir allar umferðir í mynstri séð frá réttu. ------------------------------------------------------- BYRJIÐ Á STYKKI HÉR: ------------------------------------------------------- VESTI - STUTT ÚTSKÝRING Á STYKKI: Bakstykki og framstykki er prjónað fram og til baka á hringprjóna. Síðan við frágang er vestið saumað saman á öxlum og niður yfir hliðarsauma. Að lokum er prjónaður kantur að framan meðfram framstykkjum að miðju aftan í hnakka – kantar að framan eru prjónaðir fram og til baka á hringprjóna í 2 hlutum og saumað saman mitt að aftan. BAKSTYKKI: Fitjið upp 73-77-85-89-97-105 lykkjur á hringprjón 4,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan stroff þannig: 6 lykkjur GARÐAPRJÓN – sjá útskýringu að ofan, * 1 lykkja slétt, 1 lykkja brugðið *, prjónið frá *-* þar til 7 lykkjur eru eftir, 1 lykkja slétt, 6 lykkjur garðaprjón. Haldið svona áfram fram og til baka í 4 cm. Skiptið yfir á hringprjón 5,5. Prjónið nú mynstur þannig: 6 lykkjur garðaprjón, A.1 (= 2 lykkjur) þar til 7 lykkjur eru eftir, prjónið fyrstu lykkju í A.1, þannig að mynstrið byrjar og endar alveg eins, prjónið 6 lykkjur garðaprjón. ATHUGIÐ PRJÓNFESTUNA! Haldið svona áfram fram og til baka þar til stykkið mælist 29-30-31-32-33-34 cm. Prjónið garðaprjón yfir ystu 8-8-10-10-10-10 lykkjur í hvorri hlið. Þegar prjónaðar hafa verið 4 umferðir garðaprjón yfir þessar lykkjur, fellið af 2-2-4-4-4-4 lykkjur fyrir handveg í byrjun á næstu 2 umferðum = 69-73-77-81-89-97 lykkjur. Í stærð XS, S, M og L hoppið yfir næsta kafla og prjónið áfram frá ALLAR STÆRÐIR – sjá útskýringu að ofan. Í stærð XL og XXL, prjónið eins og útskýrt er að neðan. STÆRÐ XL og XXL: Fækkið nú um 1 lykkju innan við 6 lykkjur garðaprjón í hvorri hlið þannig: Næsta umferð er frá réttu og er prjónuð þannig: Prjónið 6 lykkjur garðaprjón, lyftið 1 lykkju af prjóni eins og prjóna eigi slétt, prjónið 1 lykju slétt, steypið lyftu lykkjunni yfir lykkjuna sem var prjónuð (= 1 lykkja færri), prjónið þar til 8 lykkjur eru eftir í umferð, prjónið 2 lykkjur slétt saman (= 1 lykkja færri), prjónið 6 lykkjur garðaprjón. Fækkið lykkjum svona í hverri umferð frá réttu alls 4-6 sinnum = 81-85 lykkjur. ALLAR STÆRÐIR: Haldið svona áfram fram og til baka með A.1 og 6 lykkjum garðaprjón í hvorri hlið. Þegar stykkið mælist 56-58-60-62-64-66 cm, fellið af miðju 19-19-19-23-23-23 lykkjur fyrir hálsmáli og hvor öxl er prjónuð til loka fyrir sig. Fellið síðan af 1 lykkju í næstu umferð frá hálsi = 24-26-28-28-28-30 lykkjur eftir fyrir öxl. Þegar stykkið mælist 58-60-62-64-66-68 cm, fellið af með sléttum lykkjum yfir sléttar lykkjur og garðaprjóni yfir garðaprjón. Prjónið hina öxlina á sama hátt. HÆGRA FRAMSTYKKI: Fitjið upp 36-38-42-44-48-52 lykkjur á hringprjón 4,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan stroff þar þannig: 1 kantlykkja garðaprjón, * 1 lykkja slétt, 1 lykkja brugðið *, prjónið frá *-* þar til 7 lykkjur eru eftir, 1 lykkja slétt, 6 lykkjur garðaprjón. Haldið svona áfram fram og til baka í 4 cm. Skiptið yfir á hringprjón 5,5. Prjónið nú mynstur þannig: 1 kantlykkja garðaprjón, A.1 þar til 7 lykkjur eru eftir, prjónið fyrstu lykkju í A.1, þannig að mynstrið byrjar og endar alveg eins, prjónið 6 lykkju garðaprjón. Haldið svona áfram fram og til baka. Þegar stykkið mælist 9-9-10-10-11-11 cm, prjónið mynstur þannig: 1 kantlykkja garðaprjón, A.1 yfir næstu 2 lykkjur, A.3 yfir næstu 22 lykkjur, prjónið mynstur eins og áður út umferðina. Haldið svona áfram fram og til baka þar til stykkið mælist 29-30-31-32-33-34 cm. Prjónið nú garðaprjón yfir ystu 8-8-10-10-10-10 lykkjur að hlið (þ.e.a.s. í lok umferðar séð frá réttu). Þegar prjónaðar hafa verið 4 umferðir garðaprjón yfir þessar lykkjur, fellið af 2-2-4-4-4-4 lykkjur fyrir handveg í byrjun á næstu umferð frá röngu = 34-36-38-40-44-48 lykkjur. YFIRLIT YFIR NÆSTA KAFLA: Prjónið síðan eins og útskýrt er að neðan undir næsta kafla – veldu kafla fyrir þína stærð. STÆRÐ XS, S, M og L: Fækkið lykkjum fyrir V-hálsmáli og prjónið mynstur þannig: MYNSTUR OG ÚRTAKA FYRIR V-HÁLSMÁLI: Prjónið nú áfram með 6 lykkjur garðaprjón að hlið (þ.e.a.s. í lok umferðar séð frá réttu) og mynstur eins og áður yfir þær lykkjur sem eftir eru. Þegar A.3 hefur verið prjónað til loka á hæðina alls 2 sinnum, prjónið A.5 yfir A.3 (þær lykkjur sem eftir eru halda áfram eins og áður). Úrtaka í A.5 er úrtaka fyrir V-hálsmáli. Þegar A.5 hefur verið prjónað til loka á hæðina, heldur úrtakan áfram alveg eins þar til fækkað hefur verið alls um 10-10-10-12 lykkjur. Þegar öll úrtaka fyrir V-hálsmáli hefur verið gerð til loka eru 24-26-28-28 lykkjur eftir fyrir öxl. Prjónið áfram þar til stykkið mælist 58-60-62-64 cm. Fellið af með sléttum lykkjum yfir sléttar lykkjur og garðaprjón yfir garðaprjón. Prjónið hina öxlina á sama hátt. STÆRÐ XL og XXL: Fækkið nú lykkjum fyrir handveg, jafnframt er prjónað mynstur og úrtaka fyrir V-hálsmáli er gerð eins og útskýrt er að neðan. ÚRTAKA FYRIR HANDVEG: Fækkið um 1 lykkju innan við 6 lykkjur garðaprjón í lok umferðar þannig: Prjónið þar til 8 lykkjur eru eftir í umferð, prjónið 2 lykkjur slétt saman (= 1 lykkja færri), prjónið 6 lykkjur garðaprjón. Fækkið lykkjum svona í hverri umferð frá réttu alls 4-6 sinnum. MYNSTUR OG ÚRTAKA FYRIR V-HÁLSMÁLI: Prjónið nú áfram með 6 lykkjur garðaprjón að hlið og mynstur eins og áður yfir þær lykkjur sem eftir eru. Þegar A.3 hefur verið prjónað til loka á hæðina alls 2 sinnum, prjónið A.5 yfir A.3 (þær lykkjur sem eftir eru halda áfram eins og áður). Úrtaka í A.5 er úrtaka fyrir V-hálsmáli. Þegar A.5 hefur verið prjónað til loka á hæðina, heldur úrtakan áfram alveg eins þar til fækkað hefur verið um alls 12-12 lykkjur. Þegar öll úrtaka fyrir V-hálsmáli hefur verið gerð til loka eru 28-30 lykkjur eftir á öxl. Prjónið áfram þar til stykkið mælist 66-68 cm. Fellið af með sléttum lykkjum yfir sléttar lykkjur og garðaprjóni yfir garðaprjón. Prjónið hina öxlina á sama hátt. VINSTRA FRAMSTYKKI: Fitjið upp 36-38-42-44-48-52 lykkjur á hringprjón 4,5 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið síðan stroff þar þannig: 6 lykkjur garðaprjón, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir, 1 lykkja slétt, 1 kantlykkja garðaprjón. Haldið svona áfram fram og til baka í 4 cm. Skiptið yfir á hringprjón 5,5. Prjónið nú mynstur þannig: 6 lykkjur garðaprjón, A.1 þar til 2 lykkjur eru eftir, prjónið fyrstu lykkju í A.1, þannig að mynstrið byrjar og endar alveg eins, 1 kantlykkja garðaprjón. Haldið svona áfram fram og til baka. Þegar stykkið mælist 9-9-10-10-11-11 cm, prjónið mynstur þannig: 6 lykkjur garðaprjón, A.1 yfir næstu 5-7-11-13-17-21 lykkjur, A.2 yfir næstu 22 lykkjur, prjónið mynstur eins og áður út umferðina. Haldið svona áfram fram og til baka þar til stykkið mælist 29-30-31-32-33-34 cm. Prjónið nú garðaprjón yfir ystu 8-8-10-10-10-10 lykkjur að hlið (þ.e.a.s. í byrjun umferðar séð frá réttu). Þegar prjónaðar hafa verið 4 umferðir garðaprjón yfir þessar lykkjur, fellið af 2-2-4-4-4-4 lykkjur fyrir handveg í byrjun á næstu umferð frá réttu = 34-36-38-40-44-48 lykkjur. YFIRLIT YFIR NÆSTA KAFLA: Prjónið síðan eins og útskýrt er undir næsta kafla – veldu kafla fyrir þína stærð. STÆRÐ XS, S, M og L: Fækkið lykkjum fyrir V-hálsmáli og prjónið mynstur þannig: Prjónið nú áfram með 6 lykkjur garðaprjón að hlið (þ.e.a.s. í byrjun umferðar séð frá réttu) og mynstur eins og áður yfir þær lykkjur sem eftir eru. Þegar A.2 hefur verið prjónað til loka á hæðina alls 2 sinnum, prjónið A.4 yfir A.2 (þær lykkjur sem eftir eru halda áfram eins og áður). Úrtaka í A.4 er úrtaka fyrir V-hálsmáli. Þegar A.4 hefur verið prjónað til loka á hæðina, heldur úrtakan áfram alveg eins þar til fækkað hefur verið alls um 10-10-10-12 lykkjur. Þegar öll úrtaka fyrir V-hálsmáli hefur verið gerð til loka eru 24-26-28-28 lykkjur eftir fyrir öxl. Prjónið áfram þar til stykkið mælist 58-60-62-64 cm. Fellið af með sléttum lykkjum yfir sléttar lykkjur og garðaprjón yfir garðaprjón. Prjónið hina öxlina á sama hátt. STÆRÐ XL og XXL: Fækkið nú lykkjum fyrir handveg, jafnframt er prjónað mynstur og úrtaka fyrir V-hálsmáli er gerð eins og útskýrt er að neðan. ÚRTAKA FYRIR HANDVEG: Fækkið um 1 lykkju innan við 6 lykkjur garðaprjón í lok umferðar þannig (þ.e.a.s. í byrjun á umferð séð frá réttu) þannig: Prjónið 6 lykkjur garðaprjón, lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri), prjónið út umferðina. Fækkið lykkjum svona í hverri umferð frá réttu alls 4-6 sinnum. MYNSTUR OG ÚRTAKA FYRIR V-HÁLSMÁLI: Prjónið nú áfram með 6 lykkjur garðaprjón að hlið og mynstur eins og áður yfir þær lykkjur sem eftir eru. Þegar A.2 hefur verið prjónað til loka á hæðina alls 2 sinnum, prjónið A.4 yfir A.2 (þær lykkjur sem eftir eru halda áfram eins og áður). Úrtaka í A.4 er úrtaka fyrir V-hálsmáli. Þegar A.4 hefur verið prjónað til loka á hæðina, heldur úrtakan áfram alveg eins þar til fækkað hefur verið um alls 12-12 lykkjur. Þegar allar úrtökur fyrir V-hálsmáli hafa verið gerðar til loka eru 28-30 lykkjur eftir á öxl. Prjónið áfram þar til stykkið mælist 66-68 cm. Fellið af með sléttum lykkjum yfir sléttar lykkjur og garðaprjóni yfir garðaprjón. Prjónið hina öxlina á sama hátt. FRÁGANGUR: Saumið axlasauma innan við affellingarkantinn. Saumið hliðarsauma í ystu lykkjubogana frá handveg og niður þar til ca 17 cm eru eftir (= klauf). Endurtakið í hinni hliðinni. Setjið 1 prjónamerki mitt aftan í hnakka – prjónamerkið er notað þegar prjónaðar eru upp lykkjur fyrir kant að framan. HÆGRI KANTUR AÐ FRAMAN: Byrjið neðst á hægra framstykki og prjónið upp frá réttu ca 121 til 143 lykkjur innan við 1 kantlykkju garðaprjón upp að prjónamerki mitt aftan á hringprjón 4,5 með 1 þræði af hvorri tegund (= 2 þræðir). Snúið og prjónið 1 umferð brugðið frá röngu, en nákvæmlega þar sem úrtaka fyrir hálsmáli byrjar er aukið út með því að slá uppá prjóninn þannig: * sláið 1 sinni uppá prjóninn, 1 lykkja slétt *, prjónið frá *-* 4 sinnum (= 4 lykkjur fleiri), prjónið út umferðina. Nú er prjónað stroff þannig: 1 kantlykkja garðaprjón, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir, 1 lykkja slétt, 1 kantlykkja garðaprjón. Þegar stroffið mælist 1 cm, fellið af fyrir 4-4-4-5-5-5 hnappagötum jafnt yfir þannig: 1 hnappagat = prjónið 2 lykkjur saman og sláið 1 sinni uppá prjóninn. Í næstu umferð er uppslátturinn prjónaður slétt svo það myndist gat. Neðsta hnappagatið á að vera ca 5 cm frá neðri kanti og efsta hnappagatið þar sem v-hálsmálið byrjar. Hin 2-2-2-3-3-3 hnappagötin eru staðsett jafnt yfir með ca 10-10-10½-7½-8-8 cm millibili. Haldið áfram með stroff þar til kantur að framan mælist alls 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. VINSTRI KANTUR AÐ FRAMAN: Byrjið mitt aftan í hnakka og prjónið upp jafn margar lykkjur og í hægri kanti að framan innan við 1 kantlykkju garðaprjón niður meðfram vinstra framstykki á hringprjón 4,5 með 1 þræði í hvorri tegund (= 2 þræðir). Snúið og prjónið 1 umferð brugðið frá röngu, en nákvæmlega þar sem úrtaka fyrir hálsmáli byrjar er aukið út með því að slá uppá prjóninn þannig: * sláið 1 sinni uppá prjóninn, 1 lykkja slétt *, prjónið frá *-* 4 sinnum (= 4 lykkjur fleiri), prjónið út umferðina. Nú er prjónað stroff þannig: 1 kantlykkja garðaprjón, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir, 1 lykkja slétt, 1 kantlykkja garðaprjón. Þegar stroffið mælist 3 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Saumið saman kanta að framan mitt að aftan innan við 1 kantlykkju garðaprjón. |
||||||||||||||||
Skýringar á teikningu |
||||||||||||||||
|
||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (4)
Michaela wrote:
Hallo, ich wusste gern wie die Maschenprobe gestrickt wird. Dort steht zwar Strukturmuster, aber nicht welches der 5 die in dieser Anleitung vorkommen. Lg
27.10.2022 - 11:41DROPS Design answered:
Liebe Michaela, Maschenprobe stricken Sie mit den Nadeln Nr 5,5 - die Länge der Rundnadel hängt an der Größe an (60 cm in die 4 ersten Größe und 80 in die 2 lezten Größen). Viel Spaß beim stricken!
27.10.2022 - 13:39Aino wrote:
1. Please review the subheadings, there is no size XXXL. 2. I think the back piece hem ribbing directions are not sufficient for the wrong side. Should'nt the wrong side be e.g. '7 garter sts, repeat *knit 1 /purl 1* until 8 sts remain, knit 1, 7 garter sts
24.11.2021 - 22:43DROPS Design answered:
Dear Aino, thanks for the tip, all XXXL have been now edited into XXL - on back piece you are working rib K1, P1 with 6 sts garter on each side, ie work from RS: 6 sts in garter st, *K1, P1*, repeat from *-* until 7 sts remain, work K1 and end with 6 sts in garter stitch. From WS work: 6 sts in garter st, rib *P1, K1*, repeat from *-* until 7 sts remain, work P1 and 6 sts in garter stitch. Happy knitting!
25.11.2021 - 09:27Samar wrote:
Hi. I just wanted to say a big THANK YOU for all the free patterns, all the work and effort you put in. It's simply remarkable, and so so generous! This pattern perfectly fits the yarn I have on hand, couldn't be happier. Bless you♥️🤗
08.10.2021 - 17:51Casual Comfort wrote:
Versatile
03.08.2021 - 19:11