Hér er 1. vísbendingin fyrir teppið okkar Mystery Blanket CAL með auðveldum leiðbeiningum skref fyrir skref – allir geta verið með! Þú finnur einnig kennslumyndband með allri vísbendingunni neðst við þessar kennsluleiðbeiningar!
Heklið 8 loftlykkjur (ll) með heklunál nr 3,0 með ljós turkos.
Tengið í hring með 1 keðjulykkju (kl) í fyrstu ll.
UMFERÐ 1: Heklið 1 ll (kemur í stað 1. fastalykkju (fl)), 11 fl um hringinn, endið með 1 keðjulykkju (kl) í ll í byrjun umferðar = 12 fl.
UMFERÐ 2: Heklið 6 ll (3 ll = 1. stuðull (st)), * hoppið yfir 1 fl, 1 st í næstu fl, 3 ll *, endurtakið frá *-* og endið með 1 kl í 3. ll í byrjun umf – LESIÐ LITASKIPTI = 6 ll-bogar. Klippið frá.
LITASKIPTI:
Þegar skipt er um lit er heklað þannig: Þegar draga á bandið í gegnum síðustu l á heklunálinni, skiptið um lit, dragið bandið í gegnum síðustu l á heklunálinni með nýja litnum.
UMFERÐ 3: Skiptið yfir í bleikan og heklið 1 kl um fyrsta ll-bogann, um hvern ll-boga er heklað þannig: 1 fl, 1 hálfur stuðull (hst), 1 st, 1 tvíbrugðinn stuðull (tbst), 1 ll, 1 tbst, 1 st, 1 hst og 1 fl með 1 ll á milli hverra blaða, endið með 1 kl í fyrstu kl í umf – LESIÐ LITASKIPTI = 6 blómablöð. Klippið frá.
Blómið er tilbúið. Nú er heklaður FERNINGUR.
UMFERÐ 1: Skiptu yfir í hvítt og snúðu stykkinu, frá röngu * 4 ll, 1 kl um fyrstu/næstu ll frá 3. umf *. Endurtakið umf hringinn og endið með 1 kl í 1. ll frá byrjun umf = 6 ll-bogar.
UMFERÐ 2: Snúið stykkinu, frá réttu 1 kl í fyrsta ll-bogann, 3 ll (= 1 st), 3 st í sama ll-boga, * (2 st, 2 ll, 4 st) í næsta ll-boga, (4 st, 2 ll, 2 st) í næsta ll-boga *, 4 st í næsta ll-boga endurtakið frá *-* 1 sinni til viðbótar og endið með 1 kl í 3. ll í byrjun umf. = 32 st, 4 ll-bogar.
UMFERÐ 3: 3 ll (= 1 st), heklið 1 st í hvern st að 2 ll-boga í hverju horni, heklið (2 st, 2 ll, 2 st) í hvert horn um alla umf og endið með 1 kl í 3. ll í byrjun umf = 48 st, 4 ll-bogar.
UMFERÐ 4: 3 ll (= 1 st), heklið 1 st í hvern st að 2 ll-boga í hverju horni, heklið (2 st, 2 ll, 2 st) í hvert horn um alla umf og endið með 1 kl í 3. ll í byrjun umf = 64 st, 4 ll-bogar.
UMFERÐ 5: 1 ll (= 1 fl), hoppið yfir 1. st, heklið 1 fl í hvern st að 2 ll-boga í hverju horni, heklið (1 fl, 1 hst, 1 fl) í hvert horn um alla umf. Endið með 1 kl í fyrstu fl frá byrjun umf = 72 fl og 4 hst um allan ferninginn. Klippið frá.
Bakhlið:
Nú er eitt stykki Anemona blóm tilbúið, ca 9,5 x 9,5 cm. Festið alla enda og heklið alls 5 ferninga alveg eins með sama lit – eða í litum að eigin ósk.
Í þessu myndbandi þá getur þú séð hvernig við heklum Anemona blóm, skýringar hvernig við gerum má sjá í leiðbeiningunum hér að ofan.
Jean wrote:
I can crochet - sort of - so I'm very happy to have the pics of each step. Thanks!
29.05.2016 - 00:18